فلانة محجوزة لفلان !!!!!!!

[fofo girl]

مساء الخير وصباح الورد عليكم

نجي لقضيتنا ومحور حديثنا
( ياولدي بنحجز لك بنت فلان )
( يابنتي ترى ولد فلان حاجزك )
( فلانة محجوزة لفلان )
_ يجي واحد يخطب بنت جيرانه ..الولد ماعليه اخلاق ودين ..لكن البنت محجوزة لولد عمها

_ في يوم من الأيام شخص كان حاجز وحده من قريباته .. وطول حجزه لها يعني من يوم انهم صغار وهم يقولون فلان لفلانه وفلانه لفلان .. وبعد ما توظف تركها وقال انه مايبيها ..

ساءت الحاله بين العائلتين .. والبنت تورطت وراحت فيها حتي الخطاب مايدقون بابهم لأنهم يعرفون انها محجوزه لفلان وضاعت البنت مع ضياع هذا الحجز ..

_ بنت يتيمة وحيدة..حجزها عمها لولده ..لانه مايبغاها تطلع من العايله .. طيب ممكن البنت مو مناسبة للولد ..افكارهم غير ..شخصياتهم غير..لكن مين يسمع ..خلاص البنت محجوزة لفلان




قصص تبكي القلوب .. وأحلام تضيع في قرار
أمال وأمنيات تتبخر ..

بصراحة انا احس ان الحجز فيه ظلم للبنت
خصوصا ان الولد لو كبر وغير رايه مايتأثر
لكن البنت حساسة وتتأثر
وفوق كل هذا معد بيجيها خطاب لانهم يعرفوا انها محجوزة لفلان

ممكن الشاب يتأثر لان اهله اختاروا له شريكة حياته
وحجوزها له ..
لكن البنت هي اللي تتأثر اكثر
يخلص الحبر والكلام مايخلص



من المذنب .في هذا كله. الشاب , الشابه , الأهل , العادات والتقاليد ؟؟

ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟

اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟

وهل هذا الشي موجود في عائلتكم ؟؟ وماموقفكم منه ؟؟


عاده موجوده في مجتمعنا فحبيت أنقلهالمعرفة أرآئكم فيها

تحياتي لكم

[ŵāίĕėď]

من المذنب .في هذا كله. الشاب , الشابه , الأهل , العادات والتقاليد ؟؟
المذنب هم الأهل وانقيادهم لعادات أكل عليها الدهر وشرب
لأن شخصياتهم ضعيفة أمام الواقع..

ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟
لا يوجد من يحدد بعينه إنما الشاب عليه الإختيار والبنت لها حق القبول أوالرفض ولا تجبر على من لا تريده لأن ذلكـ لن يكون في صالح أحد..

اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟
*. متروكـ للمعنيين .*

وهل هذا الشي موجود في عائلتكم ؟؟ وماموقفكم منه ؟؟
نعاني من أشياء كثيـرة في جميع أمور الزواج فالمهـر أصبح تعجيزاً لا أعلم السبب وكأن البنت سلعة تباع ليغتني من ورائها أهلها وهذا منافياً لأسباب البركـة بين الزوجين
لأن النبي صلى الله عليه وسلم يقول " أكثرهن بركة أيسرهن مهرا " أو كما قال عليه الصلاة والسلام..

تقبلي مروري

[فجر المحبه]

من المذنب .في هذا كله. الشاب , الشابه , الأهل , العادات والتقاليد ؟؟
اكيد الاهل لانهم باقي على عادات الجاهليه
ومو راضين يتحررو منها
ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟
بالعاده الاهل يرشحون بنت معينه لولدهم وهذا اتوقع احسن
لان الام واخواته اعرف في البنات اكثر
واحياناً الولد يكون حاط عينه ع وحده ويسئل اهله عنها
ويبدون رايهم له
والبنت طبعاً لها الخيار بالرفض او الا الموافقه

اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟
انا بصراحه مااحب فكرة الحجز وهالشغلات
اللي يبي يتزوج لازم يكون قد المسئوليه ومايفكر في الزواج الى
وهو مستعد له مو يقول انتظروني اتخرج وبعدين اتوظف بعدين
احوش ووووووووووووووو
ع كذا عجزنا وماتزوجنا:aass:

وهل هذا الشي موجود في عائلتكم ؟؟ وماموقفكم منه ؟؟
لا الحمد لله ع الشي مو موجود عندنا في عائلتنا

الف شكر لك يالغلا
ع الموضوع الشيق
عسى ربي يسعدك...

[fofo girl]

يعطيكم العووافي عالتفاعل الجميل

[AmOoRh]

يااكرهي لـ هالعااده


الاهل يبلشوون الشباب والبناات ببعض

يمكن البنت او الولد ما يبي بس خلااص

الكبااريه اتتفقو وخلااص

بعض الاحياان تكوون البنت اكبر من الولد وتنظلم وينظلم معهااا

والعكس بعد

يعني فيه ظلم والمفرووض الاهل

يشفوون مصلحة عيالهم ما يدمرونهم بقراارتهم

بعض الاحياان الشااب يمسك بنت عمه ويطلبهاا وهذا حلو
بس الاهل هم يمسكون لااا

لاا طبعاا مارااح اووافق يمسكيني يخطبني واصير ع ذمة اووكي

بس مسكه طبعاا لااااااا

لا الحمد لله هالعاادة الشينه مش في عيالتناا

مشكورةي الغلا ع الموضووع..

[fofo girl]

يعطيك العافيه عالمشاركه