يلعن امــه "دعوه لنقاش"

[عزتي بسمو ذاتي]

الســـلام عليكم ورحمة الله وبركاته ..


بصراحه فيـه موضوع شدني واحنـاغافلين عنه من جد ..!!:sad:


ما تلاحظون إن كلمـة
[يلعـن أمـك]
إنتشرت إنتشار غريـب و مريب !
وصار اللي يقولها عــااادي جـدآ .. كانه قايـل
[السـلام عليكم ]
و الأغرب إن اللي تنقال له عـادي عنده!!:busted_red:
كيـف ترضى على أمك؟! وليش؟!
و حتى ىبعض البنـات’اللحين بالعكس صارت
عندهم يلعـن أمـك [مدحه] !!
أو هذا تعبير عن الحماس في سالفـةٍ مـا!:eek:



مثـلآ ..


يجي واحد يقول : والله أمس سويت كذا وسويت كذا ..


يجي الثاني يقول :يلعـن أمـك ياشيخ!!
و إذا قال لـه
[يلعـن أمـك ]
مـدّ هالخشه شبرين كأنه قايل له شعر يمدحه!
و إلاّ بعض الشبـاب .. واحد يسأل الثـاني
وش رايك باللاعب الفلاني ..؟
يقول :يلعـن أمممممممممه يلعـب من جد ..!
طيب أبي أفهـم .. وشدخل أمــه
بالموضوع ..؟!
للأسف الشديد إن الكلمـة هذي منتشره عندنا إنتشاركبيـر .
و الآن حاصله مع الشباب بجلساتهم ..
فلان: وينك أمس يلعـن أمـك؟
فلان: أبد رحت مع فلان الله يلعـن أمه .
فلان: ليه ماقلتلي إنك بتروح معه الله يلـعن أمـك أنت ويّاه ؟
فلان: وش عرفني إنك بتروح يلعـن أمك !
فلان: ههههههههههههههههه .
فلان: هههههههههااااااااي .
ولاَ كأنه صارشي ...!!:shutup:
وللأسف إنها تقريبـآ أكثر كلمـة تنقال هالأيام ..
وكم واحد تسأله عن هالكلمه .. بيقوللك : صارت عاده ..!>ياشينها من عاده:cray:
هذاجـواب اقبح من ذنب ..
مافيه شي تتعود عليه وإنت تدري انـه موب زين ولا تقدرتخليه ..!
يمكن إنت تغفـل او تـتـغـافل عن الذنب اللي تحصلـه من هالكلمـة ..!
بس لا تنسى و إنت تقول هالكلمـة أنك تسوي شيء من الكبــائـر ..
أنت تخيلت معي ..؟!
كبـائـر الذنـوب
!!


قال الرسول صلى الله عليه وسلم


{ من الكبائر شتم الرجل والديه , قالوا : يا رسول الله وهل يشتم الرجل والديه ؟



قال : نعم , يسب أبا الرجل فيسب أباهويسب أمه فيسب أمه } راوه مسلم .



وشرآيكـم ..؟


وش الحل لهذي المشكلـة الخطيرة ..؟
يعني لهـالدرجـة مافيـه إحترام ولا تقـدير للأم..؟!

المشكله مو بس هالكلمه ..~
لو نتكلم لصبح مانخلص


انعدمت الاخلاق لدرجة انها كلام عادي
مثلا ..
هلا والله ياكلبه
وربي انك حماره اشتقتلك ياحيوانه ..


قمة الانحطاط .. وعادي ولا كانها قالت شي
وين هذا الي نتعلمه بالمدراس يامثقفين
يالذوق يااتكيت ..:cool:
للاسف صرنا نفتخر ان دراسنا وعندنا شهادات
وإلي يشوفنا يقول مايعرف للدراسه طريق ..






فكره مقتبسه واجريت بعض التعديلات عليها:zzz:


ودي:عـــــزتي بسمو ذاتي"عـزو"

[AmOoRh]

وعليكم السلام ورحمة الله وبركااته

هع هع هع < تذكرت نفسي بس مو في اللعن :a:


والله معك حق في كل كلمة قلتيها

اللعن صاااير شئ عــادي بين الناااس

آول اللي يقول الله يلعن امك دعسو في بطنه

بس الحين كف بكف وضحك

هي مشكلة اذا انعدمت الاخلااق

وصاار كل شئ ايزي

والحين الشبااب ابتعدو عن الدين

والحلال والحرآآم ومايجوز من القول وما لا يجووز

فـ علشاان كذاا يشفون الشئ طبيعي

باب المياااانه والصحبه الحلوة < آمحق بس :d


العن طرد من رحمة الله وإذا كل لشخص يلعن

قال يالله ماقلت شئ وخليه يستااهل < بترجع فيك او في آمك

اذا في نفسه خليهاا الى درجه وصلت الى الاستخفااف

الشبااب مشكلتهم صاار الوضع اييييزي

ومايقولون شئ الااا من بااب المياانه مثل ماقلناا

لو يعرفون الدين والصح والغلط ماقالوهاا



آما الصبااياا فـ الكلماات ههههههههههههه

من باب التعبير عن الشووق من

كثر مو هم مشتافين لبعض مايعرفون يعبرون لبعض

لو يعرفون خطر الكلمة ماتوقعها يقولونهاا


مشكوورة عزو ع الموضوع

ويقيم ..

[fofo girl]

وعليكم السلام

آآهلييين عقيد هلا والله حي الله هالرقبه ثداده <<أم لانا وش تحسين فيه :p

موضوع بالصميم
لكن للأسف منتشر بكثره ليس بين الشباب فقط
حتى بمجتمع البنات
اذا شافن بنت أعجبتني العن أمها يازينها ؟؟؟
طيب أقول ماشاء الله يازينها
العن أمها ليش داخله عرض
اللعنه طرد من رحمة الله
معقول لايعون معناها
لو كنت بمكان الشباب والفتيات مستحيل أسمح هم باللعنه لأمهاتنا

يعطيكـ ألف عافيه عزو

[ŵāίĕėď]

وعلييكم السلام ورحمة الله وبركآته

احنا مو غافلين عنها بس كثر المساس يبلد الإحسآس :(

تعودناا نسمــع هالكلمة لدرجة خلاص نشــوفهاا عآدية من كثر ما نسمعها
يعني مابو جديد :sad:

البارح كنت أتعشــى أنا واخويه وزميلنا وشوي نسـمع واحد ورانا
يقولـ :
يلعن أمك ليه ما وقفت السيآرة :l
والثآني يرد هههههه يلعن أمك مو شآيفها واقفة :a: هههههه
ومشــى الموقف ولا كأن شي صار بالعكس صآرت ميآنة اكبر < الحمد لله والشكــر :(

أما الحل ما أظن فيه حل لواحد ممسوخ يرضى على أمه
وأهل بيته بأنواع السب ، انعدمت الغيره :cray:

وين تقدير ؟؟!
لو فيه ذرة حب لأمه ما رضي عليهاا يجيهاا السب اشكآال والوان :$$

مجتمع الحريم ممكن كلمآت تنهظم نوعاً ماا
أما الرجاال شي اعوذ بالله :(

نقآش رائع ومفيد لكن من يسمع ويستفيد
مآخذين حيآتهــم دجة الله لا يبلاناا :)

:

عوآفي علييك عزوو
لك :wrd: